Cebu City – Miabot og 762 ka manindahay sa mercado publiko ug ubang satellite markets sa dakbayan sa Lapu-Lapu ug pipila ka sakop sa CTMS o City Traffic Management System ang napaubos sa swab test kagahapon.
Nahinabi sa media, si Grace Carungay, pangu sa CESU o City Epidemiology and Surveillance Unit, mipahibawo nga giapil nila pag-test ang mga ambulant vendors aron pagseguro sa kaluwasan sa mga mangomprahay.
Matod ni Carungay, target nila nga maka-test og hangtod sa 2,500 ka vendors.
Hinuon, ang gipahigayong testing hangtod pa sa Miyerkules, Okt. 21.
Gitug-an ni Carungay nga katunga sa 200 ka personnel sa CTMS ang na-swab test gahapon ug ang nahibiling katunga gitakda karong adlawa.
Sa pikas bahin, gipahibawo ni Carungay nga sa gipahigayong swab test sa 500 ka kawani sa mga hotel ug resorts, lima ang nataptan sa virus.
Hinuon, ang tanan pulos walay timailhan sa sakit apan gibutang gihapon sa isolation facility sa city college sa Brgy. Gun-ob. (Jhon Tadlip, photo courtesy by Junard Chan)
(Source: Lapu-Lapu City – Provincial Information Office)