Cebu City – Nakapabakuna na ang 89.9 porsiento ka mga personnel sa Cebu Police Provincial Office (CPPO) batok sa Coronavirus-19.
Kadtong mga police officers nga nag dumili sa pagpa bakuna, gipa pirma ug waivers ug gipadala kini ngadto sa Camp Crame, nga maoy Philippine National Police Headquarters sa Metro Manila.
Sa 2,232 ka mga personnel sa CPPO, dunay 2,008 ka mga officers ang nabakunahan batok sa Covid-19.
Matod ni CPPO Director Col. Engelbert Soriano nga dul-an sa 30 porsiento sa iyang personnel naka dawat na sa first dose, samtang dul-an sab sa 60 porsiento sa mga officers ang na fully vaccinated na.
Gibutyag ni Soriano nga dunay 224 ka mga personnel nga wala magpa bakuna sa Covid-19 vaccine tungod kay saga nila dunay gipamati sa lawas sama sa asthma ug hypertension, samtang ang uban dunay ubo ug sip-on sa wala pa ang ilang vaccination.
Duna sab hinooy ubang police officers nga wala gyud magpa bakuna bisan kon himsog ang ilang panglawas.
Boluntaryo
Giklaro ni Soriano nga wala pugsa sa pagpa bakuna ang kapulisan, pero kadtong mibalibad sa pagpa bakuna, bisan kon physically fit, gipa pirmi kini ug waiver.
Wa masayod si Soriano ug unsay buhaton sa PNP Chief ngadto sa iyang personnel nga nag dumili sa pagpa bakuna.
Gipahibaw sa opisyal nga ang CPPO dunay bag-ong tulo ka mga kaso, pero mga asymptomatic kini.
Sa Cebu City Police, mi-abot na ug 95 porsiento ka mga personnel ang nabakunahan, samtang gamay lang ang wa magpa bakuna.
Duna lay usa ka active Covid-19 case ang Cebu City Police Office.
(News & photo courtesy of Cebu Police Provincial Office)