27.2 C
Manila
Friday, March 29, 2024

Cuidad Kan Iriga Suportado An Kahagadan Na GCQ Ni Gov. Migz Villafuerte Sa Bicol IATF

- Advertisement -

Iriga City — Suportado kan cuidad nin Iriga ano man an magin desisyon kan IATF Bicol sa kahagadan ni Gov. Migz Villafuerte na isa-irarom an 29 ng banwaan asin cuidad sa General Community Quarantine (GCQ) paghali sa Modified General Community Quarantine (MGCQ).

Ini katakod kan padagos na paglangkaw kan mga kaso kan covid 19 huli sa man lain-lain na variant kan virus sa magkapirang lugar sa probinsya.

Alagad tinaw’an nin duon ni konsejal Sonny Magistrado na sa presenting quarantine restrictions ini higot naman na sinusunod kan local na gobierno kaibahan na an curfew asin limitadong mga aktibidad kan mga menor de edad asin mga senior citizens.

Tubod an konsejal na kun paboran kan Bicol IATF an nasabing kahagadan, mas magigin estrikto an mga autoridad sa pandadakop sa mga nagbabalga kan ley na magigin dalan tanganing mapahuros an numero kan Local transmission.

Mientras tanto, dai nan in atrasan an kandidatura ni mayor Madel Yorobe Alfelor bilang kongresista sa rinconada area asin magigin kasabatan ni Gov. Migz Villafuerte kan Cam.sur sa 2022 na eleccion.

Ini man an nagin kompirmasyon ni Magistrado sa pakikipag-olay kan Radyo Ronda, kasabay kan pagsabi na dai na maootro kan 2019 kun sain ultimo ora biglang naghuros sa pagigin Mayor si Alfelor.

Inot kaini, nagin kantiyaw kan team one camsur na posibling magsibog man sana si Alfelor kan saiyang kandidatura oras na mayo ini nin pusog na kandidato sa pagka-gobernador na ngunian padagos pang hinahalat an desisyon ni VP Leni Robredo na iyo soboot an masabat ki Luigi Villafuerte.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -