Cebu City – Duna nay 17,552 nga nabakunahan sa first dose nga mga residente sa Dakbayan sa Sugbo gikan sa pagsugod sa pagpamakuna niadtong Marso 24, hangtod sa Mayo 6, 2021.
Basi kini sa datos gikan sa Cebu City Vaccine Operations Center (VOC).
Sa kasamtangan, padayon gihapon ang pagmakuna sa mga senior citizens ug mga persons.
Gisugdan na sab ang pagpamakuna niadtong dunay comorbidities o A3 Priority List nga gipahigayon sa tulo ka vaccination site sa Cebu City Government, pagka Mayo 5, 2021.
Ang mga sites nahimutang sa UC Banilad, SM City Cebu, ug sa Robinsons Galleria.
Gi-awhag sa kadagkuan ang mga senior citizens ug kadtong indibidwal nga dunay comorbidities nga magpa rehistro na aron mahatagan silag schedule kanus-a mabakunahan.
Mihatag ug link ang kagamhanan aron anhi magpa rehistro, ang wala pa ma rehistro :
http//vims.cebucity.gov.ph/page/register
Gipahimangnoan pag-usab ang katawhan nga likayan lang ang pag adto nga wala pa ma rehistro aron dili mag dasok.
Tumong niini aron padayon gihapon nga masunod ang minimum health protocols aron sa pagsigurong luwas ug malikayan ang pagkatap sa Covid-19.
Ipahigayon ang pagpamakuna hangtod sa mahurot ang gihatag sa Department of Health ngadto sa Cebu City Health Government. (Jhon Tadlip/JTY)
(News & photos courtesy of Cebu City Public Information Office)