Cagayan de Oro – DUL-AN 2,000 na usab ka benepisyaryo sa ayudang AKAP sa DSWD Region 10 ang nakadawat sa ilang hinabang atol sa payout nga gipahigayon sa Brgy. Agusan, Cagayan de Oro, kagahapong adlawa, Oktobre 21, kini ubos sa inisyatiba sa buhatan ni 1st District Cong. Lordan Suan.
Sigon ni 1st District Deputy Director Bert Amplayo, dakong gikalipay ni Cong. Suan ang dugang nga ihap sa natunolag ayudang pinansiyal nga bisan sa tutorigyot, nakasulbad kini sa sulirang panalapi sa katawhan diin niining higayona ang mga benepisyaryo nag sumikad sa Segundo Distrito sa dakbayan.
Dugtong pa ni Amplayo, gidayeg pag-ayo ni Cong. Suan ang programa ni Presidente Bongbong Marcos, Jr. ug ni House Speaker Martin Romualdez nga mao ang pagtubag sa nag-unang suliran sa katawhan nga wala sukad mahitabo sa kasaysayan sa nasud, uban sa pahinumdom nga gamiton ang ilang nadawatan sa hustong dapatan aron dili masayang ang kwarta sa kaban sa kagamhanan.
Masayran nga gawas kay Suan, gi tambungan usab sa mga kaalyado sa kongresista ang maong okasyon pinangulohan ni kanhi kagawad Zaldy Ocon, mga incumbent councilors nga sila si Yvy Emano, Ian Achas, Imee Moreno ug Aga Suan, ingon man nila ni city council hopefuls Jasmine Borja ug Engr. Villazorda