Kini human nagreport an Rural Health Unit sa General Luna sa 4 kumpirmadong kaso sa CoviD-19 nga mga lokal nga turista nakasulod sa munisipyo nga may negative RT-PCR test results.
An upat sa ilang pagsulod nagpakita sa negative RT-PCR results apan paglabay sa isa ka semana, nagpakita nan symptoms sa CoViD-19. An mga contact tracers milihok dajon human gikareport na hamok na an na-expose sa ila.
Sila nag-istar sa duha ka managlahi na resorts, human makonpirmar na positive sila sa CoViD-19 na may mild symptoms, tagpahiluna na lamang sa isa ka resort hangtud mahuman ang ilang kwarantina. Gitakdang matapos ang kwarantina kuman Abril 10, 2021. Kahapon, may lima ka close contacts nila an tagpailayom sa RT-PCR test ug taghuyat rakan an resulta.
An kagamhanan sa lungsod mipatuman sa lock down sa Lamari resort gikan niadtong Abril 1 hangtud Abril 7, 2021 samtang an lockdown sa Kalinaw hangtud mahuman ang kwarantina sa mga turista sa Abril 10, 2021.
Nanawagan ang kagamhanan na sundon an minimum health protocols sama sa social distancing, paghugas pirme nan alima, magsukbot nan mask aron dili matakdan sa CoViD-19.
(RPN DXKS Surigao with reports from RHU General Luna)
