Surigao City – Arestado sa mga personahe sa Maritime Unit 12 kaiban an mga personahe sa Surigao City Police Staion an duha ka wanted person gumikan sa mga kasong giatubang batok kanila.
Unang gi.aresto amo si Jerry Concha Manuel, 53 anyos, ulitawo, wayay trabaho, residente sa Roxas kanto Narciso St., Brgy. Washington, Surigao City
Nahitabo an pag aresto kagahapong adlawa sa may Borromeo kanto Amat St., Brgy. Taft, SC.
An akusado an may Warrant of Arrest sa kasong Roberry with Intimidation, ubos sa Criminal Case No. 17431 nga gi.isyu ni Hon. Leonila P. Gorgolon, Presiding Judge sa RTC Branch 30, Surigao City pinetsahan Abril 16, 2024 nga may girekomendar nga piyansa sa kantidad P24,000.00.
Ika duhang gi.arestoamo si Jessa Esparis Olapani, 36 anyos, dayaga, babaje, residente sa P-1B, Brgy. San Juan, Surigao City.
An akusado gi.aresto pinaagi sa virtue of Warrant of Arrest sa kasong Qualified Theft ubos sa Criminal Case No. 17431 nga gi.isyu ni Hon. Dante R. Corminal, acting Presiding Judge sa RTC Branch 29, Surigao City, pinetsahan Abril 11, 2024 nga wayay girekomendar nga piyansa.
An mga na arestong akusado an jaon sa kustodiya sa Surigao City Police Station. (Mark James Lisondra)