Davao City – Giila nga Top Performing Schools alang sa Mechanical Engineering Licensure Exam ang duha ka mga inilang unibesidad dinhi sa dakbayan sa dabaw.
Sa gipagawas nga datos gikan sa Professional Regulatory Commission (PRC) managsama nga nang-una ang Ateneo de Davao University (ADDU) og University of Mindanao (UM) gikan dinhi sa dakbayan sa dabaw sa adunay pinakataas og passing rate sa nasud nga adunay 100% sa gihimong August 2021 Mechanical Engineering Licensure Exam.
Sa gipahigayon nga licensure exam, nag-top 5 si Karlo Sisneros Ornieta nga gikan sa Ateneo de Davao University nga nakakuha og 89.05% rating. Samtang anaa usab sa top 7 si Alec Christian Cervantes gikan sa University of Mindanao nga dunay 88.35% rating.
Dakong garbo kini alang sa maong mga tulunghaan, lakip na usab sa siyudad sa dabaw kung diin ang ADDU og UM nga mga giilang prestigious universities gawas sa Luzon area ang nalakip sa top 10 sa nasangpit nga examination.
(Source: Davao City Information Office)
