Cagayan de Oro – Padayon nga gipangita ang usa ka suspek nga nihold-up sa kolektor sa 1A Lending ug nipusil sa duha ka indibidwal nga iyang giilogan sa motorsiklo.
ang mga biktima nailang sila Derick Tietraverde kolektor sa 1A Lending luwas sa maong insidente samtang ang duha ka samaran nailang sila si Shane Gwen Baklayanon, taga Medina, Misamis Oriental ug Arniel Aricayos, 28, residente sa Opol Misamis Oriental
Base sa kolektor sa 1A Lending kalit nga niangkas sa iyang motor ang suspek dayong tion sa 38 revolver ug nisakmit sa iyang bag nga dunay sulod 30mil pesos pag-abot sa hilit nga dapit sa Gurdo, Iponan, Cagayan de Oro.
Kaduha nagpaboto ang suspek apan wala kini makaigo sa kolektor nga natumba sa iyang motor.
Gidimalas ang suspek dihang wala midagan ang motor sa unang biktima hinungdan nga gipamusil nasab niini ang motorista nga gisakyan sa babayeg lalaki nga gikaangol sa duha.
Dali usab midagan ang suspek sa wala mabihong direksyon.
Samtang sa laing bahin, patay ang usa ka lalaki nga nagdeliver ug luy-a sa Zone 2 Lower Barangay Bulua ning ciudad human usab pusila sa wala mailang suspek.
Biktima nailang si Leonard Laque, 38-anyos, menyo, ug residente sa Quezon Bukidnon.
Sa pakighinabi sa Radyo Ronda Team ngadto ni Police Station 7 Bulua Commander Police Major Jerson Estanilla iyang gibutyag nga dili pa nila mapiho kung unsa’ ng armas ang gigamit sa suspek tungod kay 3 lamang ka buto ang nadungog sa mga testigo ug walay bala nga nakita sa crime scene.
Apan, Base sa initial nga imbestigasyon nga gideliver sa biktima ang luy-a ngadto sa suspek apan dugay mitunga ang nahisgutang buyer.
Hinungdan nga gihatag na lamang kini sa biktima sa laing buyer.
Ug, nag-abot ang duha ka buyer sa bodega ug nasuta nga pag-umangkon sa asawa sa suspek ang laing buyer rason nga nasuko kini ug naglalis sila sa biktima nga miresulta sa pagpamusil niini hinungdan sa iyang hinanaling kamatayon.
News and photo Cheleste Simene