Nakaangkon nan grabe na mga samad an duha ka batan-on human aksidenting nadasmagan sa isa ka Ford F-150 pick up nga may plate no. WLW 263 nga gimaneho ni Ronald Allan Esma Rodriguez, 49 anyos, layaki, menyo, private employee, residente sa Purok 7, Bilang-bilang, Brgy. Taft, Surigao City.
Nahitabo an aksidente kagahapong adlawa Nob. 15, 2020 didto sa national highway, Km. 8, Brgy. Bonifacio sa alas 9:10 sa gabie. Nakilay-an an mga biktima nga sila ni CHRISTIAN MAYOT ACHAS, 17 anyos, layaki, ulitawo, estudyante sanan si ASI RAVELO PELUTON, 20 anyos, layaki, ulitawo, parehong residente sa Purok 3, Km 8, Brgy. Bonifacio, Surigao City.
Sa inisyal nga imbestigasyon ni PSSgt. Alex Fuentes nasayran nga nagbiyahe an sakyanan sa dihang nakasinati nan makusog na uyan gikan sa Brgy. Bonifacio pasingod sa siyudad. Pag-abot sa lugar kung diin nahitabo an aksidente kalit nga nawad-an nan kontrol an driver sa sakyanan hinungdan nga mipasingod sa sidewalk ug nadasmagan sanan nagujod pasingod sa kanal an duha ka biktima.
Human sa aksidente dali girespondihan sa mga personahe sa ERS ug gidaya sa Caraga Regional Hospital an duha ka biktima hampan an driver an nakakustodiya sa Surigao City Police Station. (Mark James Lisondra, Ronda 21, RPN DXKS Surigao)