Cebu City – Nadugangan ug 16 ka mga police personnel sa Mandaue City Police Office (MCPO) ang nag positibo sa Covid-19.
Sa 16 ka mga pulis nga nag positibo, 14 niini ang fully vaccinated na.
Matod ni Police Lieutenant Colonel Mercy Villaro, tigpamaba sa MCPO nga sagad sa mga na Covid positive asymptomatic, samtang ang uban dunay mild symptoms.
Gipahibaw ni Villaro nga ang mga nataptan nga mga pulis, gi quarantine na sa PNP quarantine facility.
Ang MCPO dunay 64 ka mga kaso, samtang dunay 48 recoveries.
Sigon pa ni Villaro nga basi sa ilang contact tracing, ang virus wala makuha sa mga personnel sa ilang trabaho, tungod kay way nag positive sa ilang mga kauban.
Nakig coordinate na ang opisyal sa matag Barangay Health Emergency Response Teams alang sa RT-PCR test sa tanang membro sa pamilya sa nag positibo nga mga police personnel.
Sa maong sitwasyon ug sa kasamtangan nga quarantine status, mipatuman ang MCPO ug skeletal workforce;50 porsyento sa ilang personnel adto sa field ug sa office, samtang. Ang laing 50 porsyento mag working from home.
Sa kinatibuk-an ang MCPO dunay 558 personnel, dunay 24 ang wala ma vaccinated.
Ang uban nila (24), suma pa ni Villaro mga disqualified pa pabakunahan kay gikan man nag positive.
“Dili pa man pwede, gikanna flu vaccine, gikan na pneumococcal vaccine, dili pa sad na pwede, naay waiting for their doctor’s advise,” pasabot ni Villaro. (Jhon Tadlip)
(News & photo courtesy of Mandaue City Police Office)