Bisan paman ug gipaagi lamang sa online ang nahitabong “Duck, Cover and Hold” alang sa simultaneous earthquake drill, mipartisipar ang lokal nga pangagamhanan sa dakbayan uban sa tanang empleyado niini sa Mayor’s Office.
Kini aron mapamatud-an ang #BidaangLagingHanda nga kun kita maantigo mangandam, ug makapangandam, dako ang ikatabang niini sa atong seguridad ug kaluwasan batok sa mga kalamidad nga di masayran.
Ug usab, pagpahinumdom kini sa makanunayong pahimangno sa National Disaster Risk Reduction Management Office sa katawhan nga dili magpakakampante ug magpataka sa panahon sa kalamidad ilabina sa panahon sa linog tungod kay dako gihapon kinig kadaotan nga ipabilin sa lugar nga maagian ug maigo niini.
(City Mayor’s Office/ OIC Lyza Bautista, RPN DXKD Dipolog)