Nakarekobren ken rimmuaren iti Mariano Marcos Memorial Hospital and Medical Center iti syudad ti Batac, Ilocos Norte ti dua a pasyente a nagpositibo iti Covid 19.
Segun iti kaudian a report nga impaay ti mmmh-mc naawat dan ti kaudian a swab test dagiti dua a pasyente ket nagnegatibon ti resulta dagitoy.
Numan pay no kasta naabagaan dagitoy dua a pasyente manipud iti batac ken paoay ilocos norte nga agtalinaed iti home quarantine status tapno saan da a mapasublian pay iti nadakamat a virus.
Iti laksid a nagbalin manen a covid free ti probinsya nga ilocos norte imballaag dagiti awtoridad nga agtalinaed kadagiti precautionary measures kas iti home quarantine ken social distancing.