Tinawen a mangilatlatang ti gobierno probinsial tip undo a maipaay a tulong iti Ilocos Norte Provincial Office wenno INPPO.
Imbata ni Sang. Panlalawigan Member Atty. Da Vinci Crisostomo, Chairman ti Committee on Peace and Order a dagiti napasangpet ti probinsia a dua a baro a patrol car ket nabayagen a plano a maipaay.
Paset daytoy ti naiget a panangitantandudu ni Gob. Matthew Marcos Manotoc iti pannakatagiben ti linak ken talna iti intero a probinsia.
Inlawlawag ti bokal a dagiti nasao a lugan nga idonar ti probinsia iti INPPO ket mausar tapno mapaigetan ti ‘’police visibility’’ ken al-alisto a makapagresponde dagitoy kadgiti aniaman nga insidente wenno aktibidad ti pulisia.
Impasigurado ni Crisostoomo nga iti daytoy a panawen manen ti panagilatangan ti budget ket adda manen ti mailatang a para iti PNP.
Innayonna a tinawen a kitkitaen ti komite nga adadauloanna nga adda ti mailatang a pundo a saan a nakurkurang ngem sangapulo a milyon a pisos a para ti PNP.
(OIC Rodrigo G. Sadian, RPN DZRL Batac)
(Source: Ilocos Norte Police Provincial Office)