Nagpasidaan ang usa ka opisyal sa Department of Social Welfare and Development (DSWD) batok sa mga pekeng impormasyon nga naglibot sa social media bahin sa Ayuda para sa Kapos ang Kita Program (AKAP).
Sumala ni DSWD Assistant Secretary Irene Dumlao, ang tigpamaba sa ahensya, nakadawat sila og mga reports nga nikaylap ang mga online groups ug pages nga nagpakalat og mga misleading information bahin sa mga programa ug serbisyo sa DSWD, partikular na ang AKAP program. Kining mga social media groups ug pages gapangilad sa publiko.
Ang DSWD nag-awhag sa publiko nga magmatngon ug magpabiling maalamon. Mukuha lamang og impormasyon sa mga official ug lehitimo nga social media pages sa DSWD aron malikayan nga mailad.