Surigao City – Kinatibuk-ang P7 milyones na livelihood projects an bag-o lang na-turnover sa nagkalain-laing asosasyon sa probinsya sa Surigao del Norte.
An livelihood grant gipundohan sa Sustainable Livelihood Program (SLP) ubos sa microenterprise development track (MDT) sa Department of Social Welfare and Development (DSWD) Field Office Caraga alang sa livelihood associations sa mga lungsod sa Alegria, Bacuag, Claver Gigaquit, Placer, Mainit, San Francisco, Sison, Tagana-an, ug Surigao City.
Gipasabot ni DSWD Regional Director Mari-Flor Dollaga na an mga benepisyaryo giila ug gisugyot sa mga asosasyon sa SLP base sa panginahanglan ug merkado sa ilang komunidad.
Si Dir. Dollaga nagpasabot na an ija dakong pasalamat ngadto kang Surigao del Norte Representative Robert Ace Barbers ug Governor Robert Lyndon Barbers sa wayay puas na suporta ug pasalig na gipakita sa probinsiya sa pagpatuman sa DSWD-SLP ug uban pang programa ug serbisyo sa departamento.
Gidayeg ni Dolloga an probinsiya sa kanunay na kaabtik sa pagtubag sa mga panginahanglanon sa katawhan sa Surigao del Norte.
An SLP isa ka programa sa pagpalambo sa kapabilidad na nagtumong sa pagpataas sa sosyo-ekonomikanhong kahimtang sa mga huyang ug marginalized na mga sektor pinaagi sa paghatag ug pundo sa binhi sa kapital, para sa microenterprises o tabang sa panarbaho.
Ubos sa sakop sa suporta sa MDT, an mga benepisyaryo amo an mga miyembro sa asosasyon na jaoy qualifying age na 16 anyos pataas na makadawat og P15,000 kada isa isip capital assistance sa ilang gipili na panginabuhian. (Ronda 21 Mark James Lisondra)