Gihatagan og Gawad Pasasalamat sa 51st Infantry “Fuerte Uno” Batallion, 1st Infantry “Tabak” Division sa Philippine Army ang Department of Social Welfare and Development Field Office 10 (DSWD-10) sa 40th anniversary celebration niini, Oktubre 16, 2024, sa Headquarters, Madalum, Lanao del Sur.
Ang DSWD-10 lang ang national agency nga nakadawat sa maong pasidungog tungod sa suporta sa buhatan ngadtu sa kasundaluhan labaw na sa mga serbisyo para sa former rebels. Lakip na usab niini ang hugot nga pagtambayayong para sa pagpatuman sa mga programa sa DSWD sa Lanao del Sur ug Lanao del Norte sama sa Bangsamoro Umpungan sa Nutrition, Tara! Basa Tutoring Program, Assistance to Individuals in Crisis Situation, ug Ayuda Para sa Kapos ang Kita Program.
Gidawat ni DSWD-10 Assistant Regional Director for Operations, Glofelia J. Uayan, ang maong award.
Daku ang pasalamat sa DSWD-10 sa 51IB-1ID Philippine Army dili lang tungod sa pasidungog apan labaw na sa paghatag seguridad sa mga kasundaluhan niini ngadto sa mga trabahante sa DSWD-10 panahon sa pagpatuman sa mga programa ug serbisyo ahensya.