Davao del Norte – Arestado ang 3 ka indibidwal human nga gikasa sa mga sakop sa Philippine Drug Enforcement Agency (PDEA) XI ang drug buy-bust operation sa Purok 4, Barangay Taba, Carmen, Davao del Norte.
Giila ang mga dinakpan nga silas alyas Rose, 33-anyos, nagpadagan sa usa ka drug den, Wellmar Morales, trabahante sa gobyerno ug kakunsabo sa pagpadagan sa drug den ug Ricky Requerme.
Nakuha sa posisyon ni Rose ang usa ka gramo sa shabu ug nagkantidad og P10,000 pesos ug laing 8 ka mga sachet sa gituohang shabu nga adunay gidaghanon nga 19grams.
Sumatotalon muabot sa P139,000 pesos ang kantidad sa mga nasakmot nga iligal nga druga.
Sa karon, himas rehas ang mga dinakpan ug magatubang sa kasong paglapas sa RA 9165 Comprehensove Dangerous Drugs Act of 2002. (Camille Santos Naraga)
(Source: PDEA XI)