El Departamento de Obras Publicas y Carreteras, o DPWH, ya completa el implementacion del P90 millones camino acceso para mejora el conectividad entre mga lejanos barangays na municipio del Kabasalan, Zamboanga Sibugay.
Si Ingeniera Cayamombao Dia, el director regional del DPWH, ya habla del Sabado cay el proyecto envuelto el cementada del camino de 1.9 kilometros de carril conectando con el Barangay Banker para na Barangay Sininan.
“Antes del completada del proyecto, el mga motorista en este dos barangay ta pasa dificultad para anda na pueblo, especialmente durante tiempo’y ulan,” ya habla si Dia.
“Con el mejorao condicion del camino, el hora del viaje ya menora de 12 hasta 15 minutos, permitiendo acceso sin obstaculos para vienes y servicios basico,” si Dia ya omenta.
El cementao camino esperansao tamen ayuda con el mga siembradores en el eficiente transportada del de ila mga productos agricultural para na mga grande mercados, impulsando economia local y calidad del vida na lugar.
El otro trabajo del proyecto envuelto el ponida de imbornal, mamposteria de piedra, y riprap con instolacion de barandillas metalicas como caracteristicas de sguridad.
Asegun con Dia, con el proyecto ya implementa el oficina de ingeniria del del DPWH na segundo distrito del Zamboanga Sibugay. (B. Garcia)