Nasikop sa buy-bust operation ang usa ka 23-anyos nga E-Food delivery driver nga nag-sideline og pagpamaligya og shabu mobalor og Php682,380. Ang operasyon gipahigayon sa Sawang Calero Police Station 6 sa Concepcion St., Barangay Suba, Cebu City, gabii sa Nobyembre 22, 2024.
Ang suspetsado mao si Nicolas Cabasan Mata, alyas “Niko,” usa ka residente sa Garfield St., Barangay Suba, Cebu City.
Ang mga nasakmit nga Ebidensya: Usa ka gamay nga sachet nga white crystalline substance nga gituohang shabu (object of sale). Pito ka gamay nga sachet ug upat ka dagko nga heat-sealed transparent plastic packs nga adunay sulod nga shabu. Usa ka transparent plastic pack ug gray pouch nga nagserbisyo isip mga container.
Sa kinatibuk-an: 100.35 gramos nga shabu nga nagkantidad og Php682,380.
Nasakmit usab ang usa ka Para-Ordnance .45 caliber pistol nga adunay serial number 015997. Usa ka magazine nga adunay tulo ka buhing bala. Wala’y mga dokumento nga nagpamatuid sa iyang pagpanag-iya niini.
Ang operasyon gilusad sa mga miyembro sa Station Drug Enforcement Unit (SDEU) sa Police Station 6, gipangulohan ni PLT Loreto Aquino Tuliao Jr. ubos sa supervision ni PCPT Dave Marvi S. Villaluz, Officer-in-Charge sa Station 6.
Matod sa mga opisyal, ang nadakpan nga si Mata nagamit sa iyang trabaho isip food delivery driver aron tabunan ang iyang pagpamaligya og droga. Gawas sa droga, nasakmit usab ang armas nga gihuptan niini nga walay dokumento. (Renante Socia Lada)
(Source: Cebu City/CCPO)