Davao City – Giila nga kabahin sa dakong proyekto ang gihimo karon sa Department of Public Works and Highways (DPWH) 2nd District Engineering Office dinhi sa rehiyon onse ang usa ka bag-ong kalsada gikan sa Barangay Talandang padulong sa Sitio Luman sa New Valencia lahos ngadto sa Barangay New Carmen, Tugbok District ning siyudad.
Ang nasangpit nga dalan dunay gitas-on nga 9.9 kilometros nga mikantidad ug 93.6 million pesos nga gisudan niadtong Disyembre sa milabay nga tuig 2020.
Nagsilbi ang nasangpit nga kalsada nga dakong tabang dili lamang sa mga residente sa naasoy nga barangay apan lakip na usab sa mga kasikbit nga lugar niini. Kini nagtumong usab nga  mahimong sayon ug dali ang ilang pagbiyahe padulong sa ilang trabahoan o kaha padulong sa sentrong bahin dinhi sa siyudad sa dabaw.
(Source: DPWH XI)