Ang Panggamhanan sa Probinsiya (PGMO) pinaagi sa buhatan sa Provincial Employment Service Office (PESO) kauban ang koordinasyon sa Department of Labor and Employment (DOLE) ug ang Overseas Workers Welfare Administration (OWWA) nanguna sa pagtunol sa Livelihood Programs isip tabang sa mga Displaced Food Vendors ug Displaced Overseas Filipino Workers.
Nagtambong sa kalihukan mao si DOLE Secretary Silvestre H. Bello III isip ug kauban niini ang mga personahe sa DOLE ug OWWA.
Ang paghatod og programa ug proyekto gitambongan sab mismo ni Gobernador Bambi Emano uban ang mga miyembro sa Sangguniang Panlalawigan.
Uban sa mga programa ug proyekto sa DOLE, ang mga mosunod nga DILP o Kabuhayan Programs gitunol isip kontribusyon sa ahensya sa gobyerno aron paghatag og trabaho nga maoy solusyon sa pagkunhod sa kapobrehon.
Tinguha niini nga programa aron maminusan ang kalisod sa mga Misamisnon nga nawad-an og panginabuhian gumikan sa gisaguban nga pandemya.
Mokabat singkwenta (50) ka miyembro nga gikonsiderang Displaced food vendor nga mitambong sa kalihokan ang nakadawat og Negosyo cart ug mga gamit sa panginabuhian.
Giila nga mga benepisyaryo nagikan sa Provincial Capitol Vendors Association nga nahatagan og kinatibukan nga ₱ 871,000.00 kon diin gitambongan sa tulo ka mga Opisyal sa PCVA.
Ang JOBNET Multipurpose Cooperative (JOBNET MPC) nga naila kaniadto nga JOBNET Service Cooperative usa ka kooperatiba nga nakabasi sa Medina, Misamis Oriental nga nagdonar usab og kantidad nga ₱ 831, 250.00 alang sa DOLE nga Rice Trading Livelihood Project.
Ang Presidente sa PCVA nga si Roy P. Basanes mipaabot sa iyang pasalamat sa DOLE ug OWWA.
“Nagpasalamat ko sa atong Governor, Gov Bambi Emano sa iyang pagkamatinabangon labi sa amo sa mga vendors nga gitagaan mi niya ug kani nga mga cart nga magamit namo, ug ikaduha ang DOLE nga usa pud sila gyud nagtabang pud ani na ma receive na namo ang mga gamit,” sulti niini.
Gisiguro sa pamunoan ni Governor Bambi nga katimbang sa iyang administrasyon ang mga nagkalain-laing ahensya aron mahatag ngadto sa katawhan nga nanginahanglan sa lalawigan ang mga programa nga haom alang kanila labina nasinatian ang dili tiaw nga pandemya. (Quennie Exclamador, PIO)
(Source: Misamis Oriental Provincial Information Office Facebook page)