DOH nangapudan sa mga LGU’s na higuton an saidang Border control measures nganing maibitaran an paglakop kan coronavirus orog na an mas nakaka-ulakit na delta variant.
Sa pahayag ni Dr. Ferchito Avelino, Asst. Regional Director kan DOH an pinakusog na pagbantay sa mga border kan lambang probinsya, banwaan asin cuidad iyo an saros a epektibong lakdang tanganing dai makalaog an delta variant.
Katakod kaini, sinadol man ni Avelino an mga LGU’s na suguon an mga barangay na magpa-utob man nin Border Control sa saindang AOR.
Sa data kan DOH nagluluwas na poon kan Mayo hasta Hulyo maabot sa 33 nas kaso kan alpha asin beta variant an nairehistro na may local transmission.
Naglalaom pa man an opisyal na mayo pa nin Delta Variant na nakakalaog sa Rehiyon, matapos na marikas na mabagat an sarong tug boat na haling Butuan city matapos na magbiyahe sa Indonesia na hasta sa ngunian yaon sa higot na pagbantay kan PCG sa pantalan kan Sto. Domingo asin mayo nin tinutugutan na tripolante na magluwas.
An duwa sainda inot naman na napabareta na positibo sa Delta Variant.
Mientras tanto, tanganing matabangan an mga Irigueno na mabiyahe palaog sa probinsya kan Albay, pinag-anunciar ngunian kan city hall an pagbubukas nin express lane, tanganing mag-issue nin travel pass sa probinsya kan Albay.
An kaipuhan sana iyo na mag-presentar nin ID na sinda nagtatrabaho duman O kaya proof of assignment, valid ID’s, vaccination card kun sinda bakunado na.
(Melvin F. Barayoga, RPN DZKI Iriga OIC)