Cebu City — Mipasidaan ang Cebu City Police Office (CCPO) ngadto sa publiko pag hunong sa pagpakatap ug fake news labot sa kampanya sa goberno mahitungod sa Covid-19 vaccine, aron malikay sila nga mapasakahan ug kaso in relation sa cybercrime.
Matod ni Police Lieutenant Colonel Wilbert Parilla, CCPO Deputy Director for Operations nga mo coordinate sila sa Criminal Intestigation and Detection Group Central Visayas (CIDG-7) tungod kay sila ang dunay kapasidad sa pag gukod niadtong nga nagsabwag ug peke nga balita.
Sigon pa ni Parilla nga ang mini nga balita batok sa Covid-19 vaccines maka mugna ug panic sa katawhan, nga dakong alkontra sa tinguha sa goberno.
“Maka panic ni sa mga tawo because the government is asking the public nga mag pa-vaccinate, and naa sad laing mga tawo nga gusto sad nga kontrahon ang mga report nga gibuhat sa atong gobyerno,” matod ni Parilla.
Nagkanayon ang opisyal nga kadtong masakpan nga magpakatap ug peke ug malisyosong balita, lakip na ang mo share niini, pasakahan ug kaso sa korte.
Giawhag sa deputy for operations kadtong mohimo sa nahisgutang activities nga mo undang na tungod kay ang goberno, dili mohimo ug bisan unsang lakang nga magbutang sa katawhan ngadto sa peligro.
Subsub ug hugot ang pagdasig sa lokal nga mga opisyales nga magpa bakuna na nonot ning nagsaka nga kaso sa highly transmissible Delta variant nga natala sa rehiyon.
Mi-abot na ug 32 ka mga kaso sa Delta Variant ang natala sa Central Visayas as of July 29, 2021
Sa maong gidaghanon, 19 ka mga kaso niini natala sa Syudad sa Lapu-Lapu, unom sa Cebu City, tulo gikan sa Dakbayan sa Mandaue ug tag duha sa Lungsod sa Cordova ug sa Samboan. (Jhon Tadlip)
(News & photos courtesy of Cebu City Police Office | DOH-7)