Nagnegatibo sa COVID-19 ang upat ka suspects dinhi sa Caraga Region. Sumala sa DOH Caraga karong buntag, kini mao ang 49 years old nga babayeng taga Cabadbaran City nga naka strict home quarantine, 34 anyos ngs babayeng taga Butuan City nga gi-admit sa Butuan Medical Center Annex, 73 anyos nga lalaking taga Agusan del Norte nga na-admit sa Nasipit District Hospital ug ang 22 anyos nga lalaking taga Butuan City nga na-admit sa Butuan Medical Center Annex.
Samtang ang ikaduhang confirmed positive sa COVID-19 sa rehiyon nga 65 anyos nga lalaking taga-Butuan City, nag positive gihapon sa ikaduhang follow-up test. Siya anaa na-admit isip P12COV sa Caraga Regional Hospital.
Sa tulo ka suspects sa COVID-19 nga na-admit sa Caraga Regional Hospital, duha kanila nag-negative sa unang follow up tests apan sa ikaduhang follow up tests, gihulat pa ang result sa P13COV nga 66 anyos nga lalaking taga Butuan ug nag negative na sa 2nd follow up test si P14COV nga 57 anyos nga babayeng taga Butuan City gihapon.
Ang bag-ong pasyente nga P15COV nga 49 anyos nga lalaking bag-ong na-admit kahapon ang gihulat na lang ang resulta sa swab samples nga gipadala sa Southern Philippines Medical Center. Kini na pasyente referral gikan sa Butuan Medical Center, sumala pa ni Dr. Cheryl Gotinga, ang OIC Medical Center Chief I sa Caraga Regional Hospital. (jc/RPN DXKS)
