Cebu City – Girekomendar sa Department of Health o DOH 7 ang pagpabilin sa rehiyon ubos sa MGCQ o modified general community quarantine.
Suma pa sa tigpamaba sa DOH 7, Dr. Mary Jane Loreche, dili pa kalipikado ang Central Visayas nga motakli sa ‘new normal’.
Alang niya, mas maayong magpabilin lang una sa MGCQ ang rehiyon karong panahona.
Atol sa virtual press conference, si Loreche miingon nga kuyaw pa nga mag-atubang og laing hugna sa pagkatap sa coronavirus disease o COVID-19 kon mas lugakan pa ang quarantine restrictions.
Kini bisan pa sa kamatuoran nga na-flatten na sa rehiyon ang coronavirus pandemic curve.
Midugang si Loreche nga ang pag-downgrade pa sa community quarantine status makahatag og kompiyansa sa mga tawo ug posibleng mosangpot sa laing hugna sa Covid 19 outbreak.
Segun sa uwahing data DOH-7, ang Central Visayas aduna nay 20, 827 ka kompirmadong kaso sa COVID-19 hangtod sa miaging adlaw diin 17,853 ang naulian ug 1,261 ang namatay.
Apan ang aktibong mga pasyente sa virus sa rehiyon anaa na lang sa 1, 713.
(Jhon Tadlip/ JTY)
(Source: Department of Health VII)