Cebu City – Gipasidan-an sa mga tinugyanan sa panglawas sa region 7 ang publiko ug pribadong sector nga nagtinguha pagpalit sa gipaabot nga bakuna sa coronavirus disease o COVID-19.
Sa nasayran, una nang gibalita nga lakip sa pilot area ang Sugbo sa bakuna nga mapalit sa Pilipinas puhon.
Gani, base sa taho sa DOH, buot nilang butangan usab og storage facility sa bakuna ang Sugbo.
Tungod niini, nagpaabot ang mga health officials sa rehiyon ug sa Sugbo sa opisyal nga abiso sa ulohan nilang buhatan.
Si Dr. Mary Jean Loreche, tigpamaba sa Department of Health o DOH-7, miingon nga ang pagpalit sa bakuna nagkinahanglan og pag-amping.
Atol sa virtual press conference gahapon, si Loreche miingon nga ang mga LGUs ug mga sakop sa private sector nga interesadong mamalitog bakuna kinahanglang magtinabangay aron epektibo ang resulta.
Matod ni Loreche, kon ila mang i-immunize ang komunidad, kinahangang i-inoculate ang 60 porsyento sa populasyon aron makab-ot ang gitawag og herd immunity.
(Jhon Tadlip/JTY, Â photo courtesy of OPAV)
(Source: DOH-7)