Mo-agad lamang ang Department of Health-Region 12 sa unsa mang kamanduan gikan sa national government kalabot sa pinaka-bagong direktiba sa Pangulong Rodrigo Duterte nga himuong “priority” ang mga informal settlers sa nagpadayong Resbakuna Campaign batok sa coronavirus pandemic.
Sa pakighinabi sa RPN DXDX , giasoy ni DOH regional spokesperson Arjohn Gangoso nga nagsubay lamang ang ilahang ginahimong programa sa direktiba sa ilahang central office og nakaandam matod pa silang motuman, unsa man ang mamahimong kabaguhan.
Kahibaluan nga atol sa gipahigayong Cabinet meeting, gimando sa presidente kang Health Sec. Francisco Duque nga gawas sa mga health workers, himuong prayoridad usab sa vaccination program ang anaa sa mga squatters area.
Gimando usab sa punong ehekutibo ang paggamit sa tanang assets sa gobyerno aron mapadali ang pag-rollout sa vaccination program sa Pilipinas. (John Rey Somido)