Gisugdan sa Zamboanga del Norte Police Provincial Office ang usa ka kalihukan alang sa kaluwasan ug pagpanalipod sa kababayen-an pinaagi sa End Violence Against Women (VAW) Forum nga gipahigayon sa Barangay Estaka niadtong bag-ohay lang sa PFC Building, Padre Ramon Street, Dipolog City.
Si PCPT Charlot M. Lapiz, hepe sa Women and Children Protection Desk (WCPD) ug Assistant Chief sa PCADU, mitabang isip tig-lecture atol sa forum. Gitutukan niini ang kahibalo, pagpugong, ug pagpalambo sa katungod sa kababayen-an isip kabahin sa 18-Day Campaign to End VAW nga gipahigayon sa tibuok nasod.
Gidasig ang mga partisipante nga mahimong aktibong kabahin sa pagpalambo sa luwas nga komunidad ug sa pag-awhag sa proteksyon ug pag-empower sa kababayen-an batok sa tanang porma sa pag-abuso.
Nagpamatood ang maong aktibidad sa padayon ug lig-on nga komitment sa ZNPPO sa pagpanalipod sa katungod pantawo, pagpalambo sa gender equality, ug pagsiguro sa kaluwasan ug kaayohan sa tanang lumulupyo.(IKEN B. GULLEM)
Source: Zamboanga del Norte Police Provincial Office