Gipatuman niadrong nilabyng adlaw ang ML & Team A Ayuda Para sa Kapos ang Kita Program (AKAP) payout nga gihimo sa Covered Court sa Barangay Poblacion East ug Barangay Poblacion, Salug, Zamboanga del Norte, diin daghang residente ang nakadawat ug ayuda ilawom sa programa.
Ang hinabang gihatag alang sa Pantawid graduates, mga mag-uuma, mangingisda, ug ubang sektor nga kapos sa panginabuhi. Ang payout nagtinguha sa paghatag ug dugang suporta sa mga pamilya nga nanginahanglan ug sa pagpalig-on sa ilang pang-adlaw-adlaw nga panginahanglan.
Dako ang pagpasalamat sa mga nagpaluyo sa maong kalihukan, ilabi na kanila Governor Darel Uy, Vice Governor Julius Napigquit, Congressman Adrian A. Amatong, ug sa kugihan nga mayor sa lungsod nga si Dr. Ruth M. Brillantes, uban ang mga Board Members nga sila Hon. Jr Brillantes, Hon. Venus Uy, Hon. Kay Marie Bolando, ug Hon. Leo Mejorada.
Nagpasalamat usab ang organizer sa tabang ug koordinasyon sa DSWD-Pantawid workers, ML Partylist & Team A, mga konsehal, ug mga government workers nga nagtinabangay aron mahapsay ug mamalampuson ang pagpatuman sa payout.
Nagpabilin nga padayon ang paningkamot sa lokal ug probinsyal nga pangagamhanan sa paghatag ug mga programa nga makatabang sa mga pamilyang kapos ug magpadasig sa kalamboan sa komunidad.(IKEN B. GULLEM)
Source: Municipality of SALUG