Gipasidunggan ang Zamboanga del Norte Police Provincial Office (ZNPPO) isip usa sa mga partner agencies sa pagpadayon sa luwas ug igo nga blood services atol sa DJRMH Blood Service Network Partners Day nga gipahigayon sa DJRMH Compound dinhi sa siyudad.
Girepresentar ni PMAJ Roger A. Bartiana, OIC sa PCADU, si Provincial Director PCOL Jimmy M. Laguyo sa kalihukan, diin gihatagan ug pagkilala ang ZNPPO tungod sa ilang aktibong partisipasyon ug padayon nga suporta sa mga blood donation ug uban pang life-saving initiatives.
Sumala sa mga organizers, dako ang tabang sa ZNPPO sa pagsiguro sa igo ug luwas nga suplay sa dugo, ilabina sa panahon sa emerhensiya, samtang nagpalig-on usab sa kooperasyon tali sa kapulisan ug mga health institutions.
Ang maong pag-ila nagpamatuod sa dedikasyon sa ZNPPO sa public service, dili lamang sa pagpanalipod sa kalinaw ug kahusay, kundili usab sa pag-atiman sa kahimsog ug kaayohan sa komunidad.(IKEN B. GULLEM)
Source: Zamboanga del Norte Police Provincial Office
