Dipolog: ZNMC’s 16th Founding Anniversary masadyaon ug malampuson napahigayon

Malampusong gipahigayon ang ika-16th Founding Anniversary Zamboanga del Norte Medical Center kaganihang buntag  Agosto 8, 2024 didto sa ZNMC Sicayab, Dipolog City.

Ang maong okasyon gisugdan una ug usa ka Motorcada gilangkuban kini sa mga kawani sa maong hospital libot sa sa dakbayan sa Dipolog. Paghuman sa maong motorcada gapahigayon usab ug Santos nga mesa si Bishop Ver Caermare ug nag blessing sa bag-uhay lang nga gerenovate nga Intensive Care Unit (ICU).

Sa gipahigayon nga programa gibuksan kini ni OIC Chief of Hospital Dr.George Walthrode Opay diin mapasalamaton siya sa pangagamhanan ni Governor Rosalina “Nanay Nene” Jalosjos sa tanan nga kaayuhan nga nahimo sa maong hospital.

Usa sa pinasidunggang dinapit si Provincial Administrator sa Zamboanga del Norte Atty. Wilberth “Gaw Jojo” Magallanes, mipaabot ug dakung pasalamat kang Dr. Oswaldo “Boyet” Lamdag Acting Hospital Administrator ug Dr. Opay sa maayong pagdumala sa nahisgutang hospital.

Sa mga pamahayag ni Atty. Magallanes sa Administrasyong Jalosjos iya gipasalig nga daku nilang tinguha nga ang maong hospital  mahatagan ug dakung pagtagad ilabina sa pag gahin ug dugang pang mga ekipo, ug mahatagan sa dakung pagtagad ang mga kawani nga ga serbisyo sa maong hospital. Ang mga gipamulong ni Atty. Magallanes gikalipay kini ug daku sa mga kawani nga nakasaksi didto sa maong programa.

Ang tema sa maong anibersaryo:
“ZNMC IGNITING THE PAST, APPRECIATING THE PRESENT AND ENVISIONING THE FUTURE”