Nasikop sa mga personahe sa 1st Zamboanga del Norte Provincial Mobile Force Company ang usa ka wanted person atol sa usa ka joint intelligence-driven operation sa Barangay Pangalalan. Ang operasyon gipangunahan ni PLTCOL Ryan Jay R. Capurcos, Force Commander, kauban ang Sindangan Municipal Police Station.
Ang suspek nadakop pinasikad sa warrant of arrest nga giisyu sa Regional Trial Court sa 9th Judicial Region, Branch 11, tungod sa kasong paglapas sa Section 28 sa Republic Act 10591 o ang balaod mahitungod sa iligal nga pagdala ug pagpanag-iya sa armas de fuego.
Sumala sa kapulisan, hapsay ug walay insidente ang pagpatuman sa operasyon, nga nagpamatuod sa padayong paningkamot sa 1st ZNPMFC ug lokal nga kapulisan sa pagpatuman sa balaod ug pagpalig-on sa kalinaw ug kahapsay sa komunidad.(JENIFFER JR. DELICA)
Source: Zamboanga del Norte 1st Provincial Mobile Force Company