Nagpahigayon ug og ika-upat nga quarterly meeting ang Zamboanga del Norte Provincial Disaster Risk Reduction and Management Council (ZN-PDRRMC) aron repasohon ang mga kalihokan ug tukion ang mga prayoridad para sa 2026.
Gipangulohan ni Vice Governor Julius Napigquit ang miting isip Council Chairperson, nga nagrepresentar kang Governor Darel Dexter Uy.
Giawhag ni PDRRMO Atty. Arvin Bonbon ang mga miyembro nga magtinabangay ug aktibong mohatag ug suhestiyon aron mas mapalig-on ang kahimtangan sa disaster preparedness sa probinsya.
Usa sa mga highlight ang weather ug climate outlook presentation sa DOST–PAGASA, nga naghatag ug tan-awonon sa panahon sulod sa sunod 12 ka bulan. Gihatagan usab ug Certificate of Recognition ang PAGASA representative isip pagpasalamat sa serbisyo.
Gituki sa konseho ang bag-ong executive orders sa pagpalig-on sa disaster planning ug monitoring teams, lakip ang plano sa pagtukod ug LISTO Centers matag distrito aron mas paspas ang disaster response, ilabi na sa hilit nga mga lugar.
Alang sa 2026, lakip sa mga unang tutukan sa konseho ang inspeksyon sa mga building sa tibuok probinsya aron masiguro ang kaluwasan ug kahanduman sa mga katalagman.(IKEN B. GULLEM)
Source: Zamboanga del Norte Provincial News Network