Aron masiguro ang lig-on ug episyenteng suplay sa tubig alang sa agrikultura, malampusong gihuman sa National Irrigation Administration – Zamboanga del Norte River Systems Office (NIA-ZDNRSO) ang CY 2025 Year-End Inventory sa National Irrigation Systems (NIS) ug Communal Irrigation Systems (CIS) sa probinsya.
Gipahigayon ang kalihokan sa NIA Function Hall sa Gulayon, Dipolog City, nga gipangulohan ni Acting Manager Engr. Marie Therese L. Taladua uban sa giya ni Regional Office IX Operations Focal Engr. Leonila P. Constantino.
Lakip sa mga tumong sa inventory ang pag-assess sa kahimtangan sa mga pasilidad sa irigasyon, pag-validate sa inventory records, ug pagsiguro sa tukmang datos alang sa pagplano, operasyon, ug maintenance sa mga irrigation system.
Pinaagi sa sistematikong assessment ug panaghiusa sa mga technical units sa NIA ZDNRSO, gilauman nga mas mapalambo ang irrigation programming sa CY 2026.
Gipakita sa kalihokan ang padayon nga paningkamot sa ahensya sa paghatag ug lig-on nga suporta sa mga mag-uuma ug sa pagpalig-on sa agricultural productivity sa Zamboanga del Norte.(IKEN B. GULLEM)
Source: NIA ZAMBOANGA PENINSULA