Aron mapalig-on ug maseguro nga malampuson ang pagpatuman sa gisugyot nga pagtukod og marine turtle nesting site sa probinsya sa Zamboanga del Norte, duha ka adlaw nga Zamboanga del norte marine Turtle Nesting site network capacity building for marine turtle conservation nga gipahigayon niadtong Hulyo 18-19, 2023 sa Dapitan City.
Sa pagpanguna ni Supervising Ecosystems Management Specialist Almario M. Kaabay, Jr., ang training workshop nahimong posible pinaagi sa pagtinabangay sa PENRO Zamboanga del Norte ug sa Provincial Government.
Si PENR Officer Cidur S. Julsadjiri mitambong sa workshop kauban ang mga tinahod nga bisita gikan sa DENR-BMB Nilo D. Ramoso, Jr. ug Kanhi Hepe sa Wildlife Resource Division sa BMB, Carlo C. Custodio.
Ang mga opisyal sa barangay gikan sa lain-laing barangay sa Zamboanga del Norte misalmot usab sa training workshop uban sa mga representante gikan sa Provincial Environment and Management Office.
Nitambong usab sa seminar ang NIMCAP National Mentors, PENRO ug CENRO personnel ug partners gikan sa LGU.
Ang BFAR Dipolog, BLGU Polo, CENRO Pinan, Siocon, Manukan, ug Liloy apil sa mga nisalmot atol sa training workshop nga adunay kinatibuk-ang 36 ka partisipante sa unang adlaw niini.
Tumong sa maong kalihokan nga mas maedukar ug maandam ang mga BLGU sa pagkonserba ug pagpreserba sa mga pawikan sa dagat ug mga pugad sa Probinsya sa Zamboanga del Norte.
(Source: DENR Zamboanga Peninsula Facebook page)