Mipahigayon og follow-up coordination ang mga personahe sa Zamboanga del Norte 2nd Provincial Mobile Force Company (2nd PMFC), uban sa Technical Education and Skills Development Authority (TESDA) may kalabutan sa implementasyon sa sunod-sunod nga agricultural training programs sa nagkadaiyang barangay sa probinsya.
Kini gihimo ubos sa pagdumala ni PLTCOL Edwin D. Verzon, Force Commander sa ZDN 2nd PMFC. Ang mga training programs giplano usab nga ipatuman sa Barangay Situbu, Tampilisan; Barangay Cocob, Gutalac; ug Barangay Mamawan, Baliguian, tanan sakop sa Zamboanga del Norte.
Samtang, tumong sa koordinasyon ang pagsiguro sa padayon nga paghatod sa mga capacity-building activities alang sa lokal nga mga mag-uuma, pagpalig-on sa ilang kahibalo ug teknikal nga kahanas sa agrikultura, ug pagpalambo sa malungtarong panginabuhian sa komunidad.
Gilauman usab nga ang maong panagtambayayong makapalig-on sa kooperasyon tali sa mga ahensya sa gobyerno ug lokal nga stakeholders, nga magahatag og dugang nga oportunidad ug suporta sa sektor sa agrikultura sa probinsya.(IKEN B. GULLEM)
Source: Zamboanga del Norte 2nd PMFC