Opisyal nga gipahigayon sa Local Government Unit (LGU) sa Gutalac ang Presentation ug Sashing sa Binibining Gutalac 2026 candidates niadtong milabay nga adlaw, isip usa sa mga nag-unang kalihokan sa 47th Araw ng Gutalac nga selebrasyon.
Atol sa maong kalihokan, pormal nga gipaila-ila ang mga kandidata nga nagpakita sa katahum, kaalam, ug aktibong partisipasyon sa komunidad. Ang matag kandidata gihatagan sa iyang opisyal nga sash, nga nagsimbolo sa pagsugod isip mga representante sa garbo, kultura, ug empowered womanhood sa Gutalac.
Matod Mayor Eddie Justin Quimbo, ang Binibining Gutalac dili lamang usa ka pasundayag sa katahum kundili usa usab ka plataporma sa pagpanday sa liderato, adbokasiya, ug makahuluganon nga pag-alagad sa katawhan.
Gipasalamatan usab sa mayor ang mga nagkadaiyang sponsoring agencies ug ang event organizer nga si Ms. Lorna V. Candelaria tungod sa ilang walay kapoy nga paningkamot, dedikasyon, ug suporta nga nakatampo sa kalampusan sa maong kalihokan.(IKEN B. GULLEM)
SOURCE: LGU GUTALAC-PUBLIC INFORMATION