Nasukbit sa Zanorte Whackers ang kampyonato sa napatigayong 1st Dinagyang National Age Group Badminton Tournament nga gipahigayon didto sa Iloilo City niadtong Enero 24 ug nilungtad hangtod niadtong Enero 28 ning tuig.
Nunot sa maong kadaugan gipasigarbo kini sa Gobernador ning lalawigan sa Zamboanga del Norte nga si Gov. Rosalina “Nanay Nene” Jalosjos.
Ang maong torneyo gilangkuban sa mga musunod:
Sa Open Elite – Men’s Doubles – Nestor Tapales ug Nestojan Tapales -3rd Placers Under 19 Boy’s Doubles mao si Lance Martine’s ug Paul Ruedas nga mga Silver Medalists.Under 15 Boys Doubles mao Si Art Lawrence Soliva ug Reaven Bacatan, nga parehong Bronze Medalists Under 11 Boys Doubles ug Si Sean Remo Montilla ug Luis Miguel Lopez, a.k.a MILOY nga nakasukbit sa Bronze Medal ug gitanyag nga Scholarships sa Whackers Badminton Academy sa Laguna ug
sa kaulahian gitanyag usab Si Paul Ruedas nga mao ang midaog alang sa Mixed Doubles Under sa 19 Category.
Sa samang higayon ang Gobernador mihatag usab sa iyang pahalipay ngadto sa tibuok badminton whackers team ilabi na sa dinamikong coach niini nga si Nestor Tapales.
Gitataw sa Governador ang nahiagumang kadaugan sa maong whackers team nga naghatag kini ug kalampusan sa mga Zanortehanon. (Medalyn U. Borja, RPN DXKD Correspondent)
(Source: Provincial Government of Zamboanga del Norte Facebook page)