Madasigon nga gilusad ang ZPRAA Meet 2026 diin nanguna sa parada ang delegasyon sa Zamboanga del Norte, Dipolog ug Dapitan ubos sa ZANDIDAA, kauban si Governor Darel Dexter T. Uy.
Makita sa opening ceremony ang kusog nga suporta ug garbo sa matag delegasyon nga nagmartsa uban sa ilang mga coach ug opisyales, nagpasundayag sa panaghiusa ug disiplina sa mga batan-ong atleta sa rehiyon.
Nahimong talagsaon ang maong tuigan nga kompetisyon tungod kay unang higayon nga gihost kini sa Isabela City ug unang pag-apil sa Sulu, samtang naghiusa usab ang Zamboanga del Norte, Dipolog ug Dapitan sa usa ka bandila isip ZANDIDAA.
Sumala sa gobernador, ang kompetisyon dili lang bahin sa kadaugan kundili sa pagpalig-on sa panaghigalaay ug respeto, samtang ang ZPRAA Meet nagpadayon isip plataporma sa talento ug panaghiusa sa tibuok rehiyon.(JENNIFER JR. DELICA)
Source: Zamboanga del Norte Provincial News Network