PIÑAN, ZAMBOANGA DEL NORTE — Malampuson nga napahigayon ang Food Redemption o pag-apod-apod og pagkaon ubos sa Walang Gutom Program sa Municipal Gymnasium, Piñan kagahapon, Abril 7, 2026.
Gidumala ang kalihokan aron mahatagan og hustong pagkaon ang mga pamilyang benepisyaryo, diin hapsay ug organisado ang distribusyon sa mga hinabang.
Dako usab ang papel sa DSWD-IX ug MSWDO personnel nga nagtinabangay sa pagpatuman sa programa aron masiguro nga maabot sa sakto nga mga benepisyaryo ang mga hinabang.
Padayon nga gipalig-on sa lokal nga gobyerno ang ingon ani nga mga programa aron matabangan ang komunidad ug masiguro nga walay magutman sa lungsod.(MEDALYN U. BORJA)
Source: Mayor Rommel Gudmalin