DIPOLOG CITY — Gipakusgan sa Provincial Project Monitoring Committee (PPMC) ang ilang pagbantay sa mga proyekto sa probinsya atol sa ikaduhang tigum nga gipahigayon sa Provincial Capitol.
Gipangunahan ni Acting Provincial Administrator Charmie A. Yu ang miting diin gi-review ang inspection reports sa Provincial Engineering Office ug ang kasamtangang dagan sa mga proyekto aron masiguro ang kalidad ug hustong implementasyon.
Gisusi usab ang kahimtang sa water system projects sa nagkalain-laing barangay, diin nahuman na ang uban samtang ang pipila padayon pa nga ginatuman.
Sumala sa komite, padayon ang ilang pagmonitor aron masiguro nga ang tanang proyekto sa probinsya epektibo, klaro ang paggamit sa pondo, ug masunod ang gitakdang oras sa implementasyon.(JENNIFER JR. DELICA)
Source: Zamboanga del Norte Provincial News Network