Gipasidunggan sa Zamboanga del Norte Provincial Health Office ang mga health champion sa probinsya atol sa Provincial Health Awards 2025 nga gipahigayon niadtong Disyembre 18 sa Top Plaza Hotel sa Dipolog City. Giila sa kalihokan ang kontribusyon sa mga lokal nga pangagamhanan, health workers, partner agencies, ug stakeholders sa pagpalig-on sa sistema sa panglawas sa probinsya.
Gidayeg ni OIC Provincial Health Officer Dr. Benson Panaguiton ang mga awardee nga lungsod ug siyudad tungod sa ilang mga inobatibo nga programa nga mitabang sa pagpaayo sa serbisyo panglawas. Giila usab niya ang papel sa mga health worker, municipal health officers, ug program implementers nga giisip niyang haligi sa provincial health system.
Tanan 25 ka lungsod ug duha ka siyudad sa probinsya nakadawat og plaque of recognition, diin mitanyag og daghang awards ang Lungsod sa Salug ug ang Siyudad sa Dipolog alang sa ilang hataas nga performance sa nagkalain-laing health programs. Giila usab ang mga partner nga institusyon samtang gi-emphasize ni Governor Darel Dexter Uy ang kahinungdanon sa panaghiusa ug tukmang datos sa pagpalambo sa universal healthcare sa Zamboanga del Norte.(JENIFFER JR. DELICA)
Source/Photo Courtesy: Zamboanga del Norte Provincial News Network