Miresponde dayon ang mga bombero sa Dapitan City Fire Station Shift A sa usa ka emergency medical service niadtong Disyembre 18 ning tuig, sa Barangay Dawo, Dapitan City, ubos sa liderato ni Acting City Fire Marshal FSINSP Rommel M. Rojas, REE. Ang insidente naglakip sa usa ka 32-anyos nga lalaki nga nakit-an nga conscious apan dili klaro ang panghunahuna, adunay kusog nga baho sa alkohol ug posible nga nahubog, nga naabtang naglingkod sa likod sa kahoy nga lubi.
Human sa paspas nga assessment, gihatagan dayon og first aid sa mga bombero ang pasyente lakip ang paglimpyo ug pagtabon sa mga samad. Gikwaan usab kini og vital signs, lakip ang temperatura nga 36.7°C, ug oxygen saturation nga 96 porsyento.
Tungod kay dili igo ang medikal nga pag-atiman sa lugar, gilayon nga gidala ang pasyente sa ospital alang sa dugang nga pagtambal. Gipakita sa maong insidente ang ka-aktibo ug paspas nga paglihok sa mga bombero sa Dapitan City Fire Station sa pagluwas ug pagtabang sa mga nanginahanglan sa oras sa emerhensiya.(JENIFFER JR. DELICA)
Source/Photo Courtesy: BFP R9 Dapitan City Fire Station