Ang National Grid Corporation of the Philippines (NGCP) magpatuman og Yellow Alert sa Visayas power grid gikan alas-5 sa hapon hangtod alas-10 sa gabii karong Agosto 16, 2026.
Sumala sa update alas-8 sa buntag, ang available capacity sa grid anaa sa 2,525 megawatts, samtang ang peak demand gilauman nga moabot sa 2,480 megawatts.
Usa sa mga hinungdan sa Yellow Alert mao ang pagkawala sa serbisyo sa dagkong coal plants nga TVI 1 ug TVI 2, emergency shutdown sa CEDC 2, limitado nga power import gikan sa Mindanao, ug taas nga gipaabot nga demand sa kuryente.
Sa kinatibuk-an, 892.6 megawatts ang dili magamit sa grid tungod sa forced outages ug mga planta nga nag-operate sa ubos nga kapasidad.
Ang Yellow Alert ipagawas kung dili na igo ang operating margin sa kuryente aron matubag ang gikinahanglang reserve sa transmission grid.
📸 NGCP
I via Renante Socia Lada