Nagpalig-on sa koordinasyon ug pagtinabangay ang mga opisyal sa Department of Environment and Natural Resources o DENR sa Zamboanga del Norte ug Office of 1st District Congressman Hon. Pinpin Uy pinaagi sa courtesy visit sa opisina sa kongresista.
Gipangulohan ni Provincial Environment and Natural Resources Officer Jaime Salvador ang delegasyon, uban nila Community Environment and Natural Resources Officer Eugene Celi ug mga personahe sa Community Environment and Natural Resources Office sa Piñan, ingon man mga personnel sa Provincial Environmental Management Unit sa Zamboanga del Norte.
Gihisgutan sa maong panagkita ang pagpalig-on sa koordinasyon sa environmental protection, natural resources management ug pagpatuman sa mga programa sa gobyerno sa Unang Distrito sa Zamboanga del Norte. Gipasiugda usab ang importansya sa inter-agency cooperation sa pagtubag sa mga isyu sa kalikupan.
Nagpasalig ang mga nalambigit nga opisina sa pagpadayon sa pakigtambayayong sa mga lokal nga lider ug stakeholders aron mapalambo ang mga programa alang sa pagpanalipod sa kalikupan, malungtarong pagdumala sa natural resources ug kaayohan sa mga komunidad sa distrito.(JENIFFER JR. DELICA)
Source: DENR Zamboanga Peninsula