Nagpahigayon ang Department of Agrarian Reform Zamboanga del Norte ug workshop sa 2021 DARAB Rules ug Directives para sa SPLIT Legal Assistants ug PPMO staff kaniadtong Disyembre 5, 2025 aron mapalambo ang ilang kahibalo ug kahanas.
Gitumong sa kalihukan ang pagpa-lig-on sa pagsabot sa updated legal procedures aron mas hapsay ug tukma ang pagpatuman sa mga proseso sa yuta ilawom sa Project SPLIT.
Gipangulohan ang sesyon ni PARAD Atty. Avito G. Zamora kauban nila Atty. Dorothy April Gahum-Bantillan, ARPO I Maryfe Kayrine Abesamis, ug DARAB support staff Joselito Agura ug Eric Corro.
Mitambong usab ang Legal Division nga gipangulohan ni Atty. Leo Santiago M. Briones kauban ang ARPOs ug SPLIT Legal Support Team aron mosuporta sa pag-instolar ug usa ka unipormadong pagsabot sa mga guidelines.
Matud ni PARPO Daisy Dell Suan Digamon, importante nga ang mga kawani adunay klaro ug updated nga kahibalo sa legal framework aron mas episyente ang serbisyo para sa agrarian reform beneficiaries.(IKEN B. GULLEM)
Source: DAR Zambonorte