Aron hisgutan ang mga preparasyon sa umaabot mga pasko sa Gutalac ug ang padayong pagtambayayong tali sa DepEd ug lokal nga kagamhanan, mibisita si Public Schools District Supervisor sa DepEd Gutalac II, si Mr. Danilo B. Alga, kang Gutalac Municipal Mayor Eddie Justin Quimbo.
Sa ilang panag-istorya, gipasiugda sa duha ka lider ang ilang lig-on nga suporta alang sa edukasyon ug sa
kalambuan sa tanang Gutalacnon nga magtutungha ug komunidad. Ang maong panag-uban nagpakita sa ilang tinuyo nga pagtukod ug mga programa nga makahatag ug mas lapad nga oportunidad, kahinanglanon, ug makapadugang sa partisipasyon sa katawhan sa munisipyo.
Ang DepEd ug LGU nagpadayon sa pagtinabangay aron masiguro nga ang tanang kalihokan, lakip na ang Pasko sa Gutalac, magpabiling malampuson, malinawon, ug makapadugang sa kahulugan sa panaghiusa sa komunidad.(IKEN B. GULLEM)
Source: LGU GUTALAC- PUBLIC INFORMATION