Gipahigayon sa mga personahe sa Labason Municipal Police Station (MPS) usa sa kawani sa Women and Children Protection Desk (WCPD) Investigator ang Kabataan Kontra Droga at Terorismo (KKDAT) lecture mga alas 9:30 sa kabuntagon niadtong Hunyo 5, 2026, didto sa Barangay Norson San Isidro, Labason, Zamboanga.
Ang maong kalihokan gihimo pinaagi sa pagpanguna ni PSMS Marjorie Gay E Suson, sa Women and Children Protection Desk (WCPD) Investigator sa Labason Municipal Police Station, ubos sa pagdumala ni PCPT NAJIB B ALIP, OIC.
Gihimo ang nasangpit nga kalihokan aron sa pagpalig-on pa ang kahibalo sa mga kabatan-onan may kalabotan sa mga kapeligrohan ug dili maayong epekto sa ilegal nga droga, terorismo, ug kabangis sa ekstremismo.
Nagpasiugda sa kamahinungdanon sa pakiglambigit sa mga kabatan-onan sa pagpalambo sa kalinaw, pagmintinar sa kaluwasan sa publiko, ug pagsuporta sa mga programa sa pagpalambo sa komunidad.
Gidasig ang mga partisipante atol sa lecture nga mahimong responsable ug masinugtanon sa balaod nga mga lungsuranon.
Usa ka pagpakita sa pasalig nga mahimong kauban sa Philippine National Police sa pagpasiugda sa kalinaw, kahapsay, ug kalig-on sa komunidad.
Nagmalampuson ang pagtapos sa kalihokan uban sa aktibong partisipasyon sa mga kabatan-onan pinaagi sa aktibong pag-apil sa mga inisyatibo nga nagpasiugda sa usa ka drug-free, malinawon, ug progresibong komunidad.(MEDALYN U. BORJA)
Source: PNP Labason MPS ZNPPO