Nadawat sa Barangay Sibatog sa lungsod sa Roxas ang bag-ong water system ug road concreting projects atol sa turnover ceremony nga gipangulohan ni Congresswoman Irene “Ate Ai” Labadlabad ug Municipal Mayor Ismael Rengquijo Jr.
Giturn-over ni Congw. Labadlabad ang ₱3 milyon nga Water System Project nga adunay ₱400,000 counterpart gikan sa Barangay Sibatog. Gilauman nga makatabang ang maong proyekto sa pagpalambo sa suplay sa limpyo ug luwas nga tubig alang sa mga residente.
Sa maong okasyon, giturn-over usab ni Mayor Rengquijo ang road concreting project aron mapalambo ang kahimtang sa transportasyon ug pagbiyahe sa maong barangay.
Dugang pa, nanghatag usab si Ate Ai og mga payong ngadto sa mga kabataan sa Barangay Sibatog isip kabahin sa iyang padayon nga suporta sa komunidad.(IKEN B. GULLEM)
Source: Irene “Ate Ai” Labadlabad